學子園分校 Whatsapp group 有齊n班幼子園

近年非常受家長歡迎的學之園幼稚園，面試時間頗長，無論是PN及K1都分三個部分。

面試時間長，對有些小朋友來說並非好事，因為專注力維持不到這麼長時間，但正正有幾部分的關係，就算其中一部分失手，亦可以靠其他環節追回分數。

先講PN的面試。

PN第一次面試

第一部分是英文面試。三至四個小朋友，由一位家長陪同下入課室，小朋友坐前面，家長坐後面，小朋友跟英文老師唱歌做動作，老師會鼓勵小朋友站起來一起跳舞唱歌，看小朋友反應，又會用英文要求他們舉手、拍手、摸頭等等。

然後，是任務時間，地上有幾種動物公仔，老師用英文要求小朋友把指定公仔放進指定顏色的櫃桶。小朋友要自己走出去執行指令。

第二部分是中文面試，同樣三至四個小朋友在一位家長陪同下入課室，但一個單位會有一位老師面試。

首先是問小朋友叫咩名，然後要小朋友從袋裡抽出物件說出顏色，及後要將紅黃藍錄的積木疊高，最後是家長和小朋友一齊睇書講故事，老師藉此時間比分及觀察兩人互動。

至於第三部分是填問卷，幾位小朋友和家長被帶到另一房間，家長填問卷，孩子玩玩具。

一張檯通常有兩組，因此小朋友難免會爭玩具，家長問卷的題目跟家校合作有關。

填完問卷後，老師會請校長入房講兩句，最後小朋友從校長手中接過禮物，講再見及多謝便完成。

三部分面試連同等候時間，共接近1個小時。

PN第二次面試

第二次面試，家長要跟校長面談，而小朋友則要在旁邊跟另外一位老師玩遊戲，包括手抓板，積木等，為時10分鐘左右。

校長的問題並不刁轉，都是「為甚麼會選擇我們這間學校？或「對我們的學校有甚麼認識？」等，會面完結，小朋友推櫈講再見。

K1第一次面試

K1面試同樣分三部分進行，跟PN面試相似，都是中文、英文和最後見校長。

第一部分先是中文，六個小朋友及家長一組進入課室，課室內六位老師各自在一張檯準備接見。

老師先和小朋友打招呼，問叫乜名，然後老師會拎起童書講故事，再一路問小朋友問題，例如「樹上面個隻動物係乜來？」「樹上面個蘋果係乜顏色？」「你平時有無食蘋果，邊個買俾你食？」。

故事講完後即完成第一部分。

第二部分是英文面試，六組小朋友和家長到第二間房，房間內有兩位英文老師，先叫各位小朋友起身跳舞考反應。

及後會拿出不同的手偶動物公仔，要求小朋友將正確的水果與動物配對，例如「Give tiger an apple please」。

完成後，六組小朋友和家長再到另外一間房填問卷和等校長。 到第三部分，家長和小朋友一起坐，家長填問卷，小朋友在旁邊玩玩具及睇書，填完問卷後等校長入房，校長會簡單講幾時出結果，然後續個小朋友出來同校長講再見同收禮物。

K1 第二次面試

第二次面試，兩位家長與校長對談，小朋友在旁跟另一位老師玩玩具，為時10至15分鐘

資料來源：ohbama.com內容 – 學之園面試 PN同K1面試三部曲